وزیراعظم مزید ٹیسٹس کیلئے ہسپتال میں داخل

لندن ( اردو ٹائمز ) 10 ڈائوننگ سٹریٹ نے کہا ہے کہ بر طا نو ی وزیراعظم بورس جانسن کو کورونا ٹیسٹ مثبت ثابت ہونے کے10دن بعد مزید ٹیسٹس کیلئے ہسپتال میں داخل کر دیا گیا ہے۔ انہیں ٹمپریچر سمیت علامات برقراررہنے کی وجہ سے گزشتہ شام لندن ہسپتال لے جایا گیا تھا ۔ کہا جاتا ہے کہ ان کے ڈاکٹر کی ایڈوائس پر احتیاطی اقدام کے طور پر ہسپتال میں داخل کروایا گیا ہے۔ وہ بدستور حکومت کے انچارج رہیں گے، لیکن فارن سیکرٹریکرونا وائرس اجلاس کو چیئر کریں گے۔ 55 سالہ بورس جانسن نے رات ہسپتال میں گزاری اور ان کے معمول کے ٹیسٹس کی سیریز ہوگی۔ ایک بیان میں ڈائوننگ سٹریٹ ترجمان نے کہاکہ ڈاکٹر کی ایڈوائس پر وزیراعظم کو ٹیسٹس کیلئے ہسپتال میں داخل کروایا گیا۔ ترجمان نے کہاکہ وزیراعظم گراں قدر کام پر این ایچ ایس کے تمام سٹاف کا شکریہ ادا کیا اور زور دیا کہ عوام حکومت کی ایڈوائس کے مطابق گھروں میں رہیں اور این ایچ ایس اور زندگیوں کا تحفظ کریں۔