ابو ظہبی میں محصور 144پاکستانیوں کی وطن واپسی

ابوظہبی میں لاک ڈائون کے باعث کئی ہفتوں سے محصور پاکستانیوں میں سے مزید 144قومی ایئرلائن کی خصوصی پرواز پی کے 8262سے کراچی پہنچ گئے۔کراچی ائیرپورٹ کے جناح ٹرمینل پر تمام مسافروں کا کورونا وائرس کے سلسلے میں مکمل اسکریننگ اور طبی معائنہ کیا گیا۔ایئرپورٹ سے مسافروں کو کراچی ایئرپورٹ اور شاہراہ فیصل پر واقع نجی ہوٹلوں میں منتقل کردیا گیا ہے۔ہوٹلوں میں مسافر اپنے خرچے پر قیام کریں گے اور پولیس کی نگرانی میں آئسولیشن میں رہیں گے۔نجی ہوٹلوں میں قیام و طعام کے اخراجات برداشت نہ کرسکنے والے مسافروں کو لیبر کیمپ کے قرنطینہ سینٹر منتقل کردیا گیا ہے۔